وصف الرجال ببعض من الأبيات الجميله

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه

.. ورجلٍ يموت ولا يجيبون طاريـه
ورجل ٍ .. يجي طاريه في كل حـزه

ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه

ورجلٍ .. تلزه يعترف لـك بخافيـه
ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه

ورجلٍ .. تكزه لا زم انـك توصيـه
ورجلٍ .. بليّا مـا توصيـه .. كـزه

من لا فرش .. للمرجلـه ماتغطيـه
ومن لايخز .. الناس .. محدٍ يخـزه

ان كنت تعرفني فهي .. عرفة وجيه
مو شرط لك بالقلب قدر .. ومعـزه

سلمت يداك ،،،،،،، لا عدمناك
وتقبل مرووووورررري

عطيك العافيه على الرد يا مواطن وجعلك دائماً بصحه وهناء

شكرا ياسلطان على القصيدة التي تعود لصاحبها الشاعر الكبير خلف مشعان العنزي

ابيات بالفعل جميله وذو معاني رائعه

تسلم ياسلطان

أبيات حلوه مره بس أطلب أتمنى تنزيلها صوت
ومشكور ياسلطان