طالب ينام في المدرسة بعد نهاية الدوام ويخرجه الدفاع المدني

قام أمس الثلاثاء الدفاع المدني بشرورة بإخراج أحد طلاب المدرسة الساعة الثالثة والنصف عصراً بعد تقفيل بيبان المدرسة عليه لأن الدلخ كان طالع من فصله ونايم بغرفة التوعية الإسلامية بالدور الثاني ولا صحى إلا على صوت الآذان لصلاة العصر
نزل ابو الشباب تحت ولقى الناس ماشيه ولا حوله احد وعلى طول طلع للسطح وقام يصايح على جيران المدرسة لين سمعه واحد كان طالع للمسجد واتصل على الدفاع المدني اللي نزلوه من السطح عن طريق سيارة السلالم وعلى طول لمخفر الشرطة لأخذ اقواله .
طبعاً الطالب هذا بصف أول ثانوي وهذي ثالث سنة له فيها وكل المدرسين متوذين منه لكن أحد المشرفين دلخ زيه دايم يتوسط له اليوم يقول له الوكيل يا اخي وش لك بالدوام وكل يوم بهذله وطلعه بالحر هذا رح اقعد بيتكم وإذا جاء الاختبار تعال اختبر قال الطالب افكر وأرد لك وبعد ساعة جاء عند الوكيل قال لا ودي اداوم!!!
، شايفين إنه دلخ. واللي أدلخ منه نظام الوزارة اللي يقول لا تضرب الطالب ، تنكه زي هذا يجي للمدرسة لو كان فيها ضرب لكن هو يجي علشان أشياء ثانيه.

غلط المدير المفروض يخلي المدرسين فتشوفن المدرسه زين وشكرا

يعني صح النوم يا وزارة التربية والتعليم
وكيل دلخ ومشرف دلخ وطالب دلخ يعني مدرسة [للدلوخ فقط]

مشكلة الشرطي إن كل حاجة عنده تفتيش ،،،الله يخلي الدولة لنا يوجد في المدارس حراس شغلتهم يمشون على الفصول يطفون الكهرباء ويقفلون المدرسة إذا خلصوا ،،،

يا مواطن ترتيب وزارة التربية والتعليم السعودية على مستوى العالم العربي 17 لا تتوقع الكثير من وزير يقول عن أولياء الأمور انهم أغبياء اطلع على الخبر هذا

http://burnews.com/news.php?action=show&id=1463

فيه اخبار انهم بيغيرون بقيادات وزارة التربية والتعليم الله يكتب اللي فيه الخير

تغيرو الطلاب عن اول وهلحين وهلحين الخطر على المدرسين بس اقول الله يعينهم على الدلوخ الي مثل هذا

والله يكتب الي فيه الخير

ياخي شف الطالب أولاً بعدين أحكم على الاوزاره خبر عااادي باين لائن ماهي مستغربه من طلاب وخصوصاً في الديار اللي ذكرت

أولها وناسه وأخرها تعاسه

اكيد ان احد المدرسين دمه ثقيل وشرحه ممل والمادة سهله لاكنه مصعبها

خبر غريب

بالفعل وين فراشين المدرسه

اللي اعرفه من يوم كنا ندرس انه يجي احد الشيبان الموظفين الله يذكره بالخير ويدور على الفصوووول

المعلمين مايقومون بالمناوبه حق قيام لكن اعذرهم وزاره مماطله بحقوقهم كما قال احد المعلمين خدمتي اكثر من سبعة عشر عام ولااذكر تعميم نزل فيه مصلحه للمعلم