قصيده جميله

موضوع: قصيده جميله الثلاثاء أغسطس 05, 2008 6:16 am

يسوق الفكر هاجوسه على ذكـرى زمـان فـاتواسوق الشعر وجزال القوافـي لاجـل اصخرهـا

هجوس الشاعر ان دارت بفكره جت لها بصمـاتوكـل حسـب عقلـه لـه تفاكـيـر يفكـرهـا

هواجس او تجـارب او حكـم او سمهـا خبـراتنوادر شعر والمعنى يجـي فـي بطـن شاعرهـا

وانا لو مااصخر صعاب القوافي باجـزل الابيـاتحرام اني فـلا آقـف ظمـن شعـار تصخرهـا

ولا آقف ماقـف مانـي بقـده يفـرح الشمـاتولا ادفع بالقدم خطوة وانا مـا ادري وش اخرهـا

انا ابويه مربيني علـى سلـوم وعلـى عـاداتمثـل غيـري مـن عيـال الحمايـل مانغيرهـا

وبلشت بناس احرقهـا الحسـد ومقالـب النيـاتبهـم نـاس بواطنـهـا مخالـفـة ظواهـرهـا

وبهم ناس كما الجرب وبهم نـاس كمـا الحيـاتوانـا مانـي بمجبـور بخـلـق الله اعافـرهـا

اليا برقت بالعالـم يـروح الفكـر منـك اشتـاتتشـوف وتسمـع علـوم تعجـز انـك تعبرهـا

وعرفت ان الرجل يحسد على اصغر واكبر الحاجاتولكن لا طـرى لـك حاجـة بالصمـت سورهـا

تموت النار ويطيـب المريـض وتجبـر العثـراتويبقـى حاسـد النعمـة ولا يـقـدر يوخـرهـا

يا بوي ابشر بعزك واشمخ براسك على الهامـاتحشا الي مثلـك مـن النـاس ربـي مايخسرهـا

انا لو ما آخذ الا الجود من كفـك وطيـب الـذاتابكسب به عرب شبـه الجزيـرة عـن اواخرهـا

عرفت ان الرجل يبقى وراه الذكـر لامـن مـاتوقدامـه فعولـه والجماجـم فــي مقابـرهـا

وتجرت بمعرفة عكف الشوارب واهـل الطـولاتولا اخـاوي مـن احـرار الرجـال الا نوادرهـا

اشوف الصاحب الوافي كما النادر مـن العمـلاتاليا منه طلبنـي لـو يبـي عينـي لـه اظهرهـا

كريم يضحـك حجاجـه جـزوم قـرم فالشـداتصـدوق يحفـظ الاسـرار والصحبـة يقـدرهـا

والا ياكثر صدقـان الرخـا والمصلحـة بالـذاتولكـن لا بـلاك الله بـهـم حــاول تقـزرهـا

يقولون الصديق الصـادق الـي يدمـح الـزلاتوانـا اقـول الصديـق ان زل زلـة مايكـررهـا

خطا الغالي يبـي يكبـر بنفسـك مابهـا شكـاتولكـن نقطـة فـي وسـط غبـة ماتعكـرهـا

والى جاتك من الثاني فهي هفـوة مـن الهفـواتعليه اصبر ترى العقيـل تربـح مـن خسايرهـا

واليـا منـك دمحـت الاولـة والثانيـة بسكـاتاليا كثرت على النفـس العزيـزة وش يصبرهـا

واخوك و ولْـد عمـك لويضـدك بـاره مبـاراةاليـا صغرتهـا تصغـر وتكبـر لـو تكبـرهـا

قرابتك شجـرة وغصونهـا اليبَـس تبـا مـداراةتلين او تبرض اطراف الغصـون احـذر تكسرهـا

ومـن جـاك يتعـذر لاتـرده واقبـل الصلحـاتوان اخطيت اعتذر والنَـاس لاتجـرح مشاعرهـا

ولا تقول اني فـلان الفلانـي مااقبـل الغلطـاتمـدام الله تعالـى ذنوبـك اليـا تبـت يغفـرهـا

هواجس او تجـارب او حكـم او سمهـا خبـراتنوادر شعر والمعنى بقـى فـي بطـن شاعرهـا